Numpak Pesawat

Mari entuk kiriman saka anak-e bayan semun kepingin nyang jakarta numpak pesawat, ticket wis nang tangan plecing langsung budal nyang Juanda, tekan kana lansung mlebu pesawat lungguh nang business class.

Ora let suwe ana Pak Lurah mlebu pesawat :

Pak Lurah : Mun iki panggonku panggonmu nyang mburi kana lho iki klas eksekutip dudu klas ekonomi
Semun : Nyang Pingkuk njenengan oleh kuasa Pak Lurah nek nang kene ora iso, wong podo penumpange pada mbayare.

ora gelem ribut Pak Lurah Nyeluk Pramugari :

Pramugari : Pak Semun tempat duduk anda di belakang sana pak ini kursi bapak ini
Semun : Kowe sapa tho cah ayu?
Pramugari : Saya Pramugari Pak
Semun : Tugasmu apa ?
Pramugari : Melayani penumpang pak!
Semun : Lho kok malah ngusir aku tho,..

Bingung ulahe Semun pramugari nyeluk Pilot.

Pilot : Pak tempat duduk dipesawat sudah ditentukan , dan tempat duduk bapak di kelas ekonomi di belakang sana.
Semun : Eh kowe iki sapa kok wani ngusir aku, aku iki numpak mbayar ora gratis,
Pilot : Saya Pilot pesawat ini pak, saya yang mengendarai pesawat ini.
Semun : Aku numpak bis ora nate diusir karo sopir-e kok kowe wani wani ngusir, sopir wae sombong.

Ora let suwe Yu Darmi munggah.

"Ono opo iki" : Yu Darmi takon karo Pramugari
Pramugari crito yen Semun ora gelem pindah nyang panggonane dewe,..
"Oooo ngunu tho wis gampang serahno aku wae" : jare Yu Darmi

Yu Darmi : Mun ola opo kowe lungguh kono
Semun : kowe yo arep melu ngusir aku pisan yo
Yu Darmi : Ora Mun, Kursi sing kok lungguhi iki kanggo penumpang jurusan Medan nek sing jurusan Jakarta sing mburi kana lho
Semun : Oooo ngunu tho, untung kowe ngandani aku yu, nek ora aku rak nyasar tekan Medan.

pirooo limang atus ewu,....!

Bayan Semun dolan nang mediun mampir nang Cafe.
Pas lagi clingak clinguk golek panggonan , ana cah wedhok ayu ireng manis lungguh dewek-an nang pojokan.
"Nyuwun sewu dik, aku oleh lungguh nang kene?, tak traktir es jeruk yo,.." jare Bayan Semun nawani.
"Opo !!!! emang aku cewek murahan opo piye , enak wae arep ngajak nang Hotel...!!!" Cah wedok mau bengok bengok,...
"Aduh mboten, mboten ngoten ampun salah paham jeng,..kulo namung nawari es jeruk kok...menawi mboten kerso nggih mboten menopo-menopo,

.." Jawab-e Bayan Semun luwih sopan karo clingukan bingung.
"Eeeee lha kok ngeyel bocah iki , aku dudu cewek sing koyo ngunu iku ,..enak wae ngajak nang Hotel,.." Cah wedhok mau mbengok luwih banter
Bayan Semun kisinan banget , balik klepat mlaku ngadoh golek panggonan liyane. Wong sak Cafe mendelik kabeh matane ndelok Bayan Semun kisinan.
Kira-kira rong puluh menitan , cah wedhok mau gantian marani bayan Semun sing lagi nyruput kopi nang pojok-an.
"Ngapunten nggih mas. Aku mau lagi mraktekne ajaran nang sekolahku, aku iki mahasiswi prikologi sing lagi mempelajari perilaku manusia pada situasi yang tidak diinginkan." Cah wedhok mau sopan njaluk ngapuro.
Bayan Semun meneng sakwetoro raine sing abang mbranang kisinan mau isih durung ilang.
"Mas ngapunten nggih,..dek wau terpaksa mego memenuhi kebutuhan skripsi?" cah wedhok mau memelas..
Bayan Semun ngadek mbengok sak kenceng-kencenge "Pirooooo!!!!!? Limang atus ewu????, kuwi wis termasuk Hotel-e opo durung???"

Panggonanku pipis

Sinten numpak sepur?
Cah telu sak geng yaiku Semun, Kasdi karo Paijo nyang Jakarta numpak sepur Matarmaja..
Kaya iklan ”Nggak ada loe nggak rame”... neng ndalan ana-ana ae bahan garapane.

Tekan stasiun mBalapan... sepur mandeg.. cah telu totohan sapa sing bakal lungguh neng bangku kosong sing neng cedhake deweke, mulai lanang apa wedok, isik enom apa tuwek, dst.

Eh temenan... gak suwe ana cah wedok seksi, kaya Dewi Banowati, dandanane menor, ayu moblong-moblong kaya bintang Hongkong, manja-manja rada ceninilan mengundang..
”Mas-mas.. apa bangku ini kosong?”.
Kaya entuk rejeki nomplok , cah telu pada lomba-lomba mbagekne sekaligus narik perhatiane si cewek...
Langsung Yu Darmini putri Solo mau melebur karo kenakalan geng Semun..
Geng iku ngobrol gak entek-entek.

.. bareng wis tekan Kroya... suasane mulai sepi, penumpang liyane wis akeh sing mulai nggeraji.. Semun mulai ”ngeres” (pasir kali).

"Eh Yu... sikilmu ketoke kok mulus men... Piye nek kowe nyingkap rokmu sithik nganti dengkulmu ... aku cah telu iki gelem kok urunan rongpuluh ewuan nggo mbayar sampeyan”.
Dasare Yu Darmini... halah apa berate mung ngamal nuduhne dengkul ae..
”Hayo...” ngono kandane Yu Darmini.
Rumangsa pancingane ditarik iwak, kang Kasdi nrambul...
"Piye nek ditambahi cah siji dadi 50 ewuan tapi kowe gelem nyingkap sing rada duwur meneh..."
Semun karo Paijo setuju...

Yu Darmini meneng sedela karo mikir... wah cah telu jadi 150 ewu, siapa takut???
Mula Yu Darmi ngangkat roke nduduhne pupune sing mulus nyang cah telu iku...

cah telu melotot ra kedep.

Semun sak kancane kaget.. ujug-ujug Yu Darmini usul...
“Piye nek sampeyan masing-masing urunan rongatus ewuan.. aja kuwatir engko tak duduhi... sori yaaa... nggg... panggonanku pipis" (pas tembung terakhir omonge rada alon kaya bisik-bisik)...

Wah... kontan cah telu celegukan... GLK-GLK-GLK kaya neng komike Djair biyen... gulu menjinge mulai munggah mudhun.. utawa istilahe Pos Kota pendulumnya mulai bergerak... ambegane mulai ngos-ngosan.. kang Semun malah reflek nyekeli suwale..

"Hayoohh… " cah telu koor bareng...

Terus Yu Darmini nglumpukne duwike cah telu rongatusan dadi gunggung kepruk nematus ewu.. terus dewek-e ngajak neng sambungan gerbong. Cah telu semrinthil kaya kebo ditarik keluhe.

Neng gang Yu Darmini mbukak lawang toilet... mandeg sedela nyawang cah telu iku siji-siji... terus nudingi bolongan kloset karo cekikikan "Nooh... neng kono panggonanku mau pipis... Puas.. puas.. puas...!!"

Cah telu mung ndomblong, ampere langsung ngedrop.. owalah Mun.. duwik nematus ewu mung ndelok bolongan kloset thok...

Ongkos Nuthuk

Kanggo nambah penghasilan Bayan Semun usaha bukak bengkel.
sakjane Semun durung pati pinter wong melu kursus montir wae lagi telung wulan.
Nanging amargo terdesak kebutuhan dewek-e wani bukak bengkel nang ngarep omahe.
Persiapan wis mateng , alat wis komplit , konco-konco wis dikabari kabeh mulai pak Lurah, Carik, Jagabaya, Jagatirta, Modin nganti Yu Darmi sing ora gablek kendaraan yo dikabari.
Hari pertama bukak sekitar jam 8 isuk ana pasien teko, tibane Pak Carik nggowo sedan Peugeot-e ...
"Mun iso ngungak ora , sedanku iki kok ora kena di stater , padahal aki-ne wis tak tukokne anyar" Pak carik sambat
"Oooo niku dinamo stater-e pak carik" jawab-e Semun kaya wong cerdas.
"Dinamo Stater-e keneng opo mun" Jare pak Carik
"Kedah diserpis pak carik , basa teknik-e dinamone kelet " jawab-e Semun keminter
"Suwe ora soale aku lagi kesusu iki, di dawuh pak Lurah nyang nggone pak Bupati" jare Pak carik maneh.
"nggih radi dangu pak, tapi kulo saget kok ndandosi kilat pokoke dijamin saget distater maleh" jare semun
"Piro mun ongkose" Pak carik takon
"Satus Ewu kemawon pak" jare Semun
"Yo wis garapen mun tak tunggu , cepet yo"
"Beres boss"...semaure Semun Semun mbukak alat alat terus njukuk palu.... dok,..dok...dok...dinamo stater peugeot-e pak carik di tutuk-i nganggo palu...
"Sampun pak dicobi" jare Semun...
cekekekkkkkekekk......brummmmbrummm....mobil-e pak carik iso distater...

"Mun kowe mung nutuk ping telu wae kok ongkose larang men tho nganti satus ewu" pak carik protes mergo semun mun nuthuk dinamo stater-e thok....
"Pak Carik ongkos nuthuk-e mawon murah pak namung 5 ewu,..lha sing 95 ewu niku ongkos ilmu kulo kangge mangerteni bagian pundi sing dituthuk" jawab semun enteng

Darurat

Bayan Semun diajak pak Lurah rapat nyang Suroboyo.
Tepak-e nang Hotel Indahnya Malam lantai 30.
"Mun tunggunen nang Lobby yo iki HP gawanen, mbok menowo aku ana perlu dadi gampang ngubungi kowe" dawuhe Pak Lurah
"Nggih pak Lurah kulo tenggo teng Lobby"

Lagi wae 20 menitan rapat mulai, HP-ne Sumun muni iring,...iring....iringggg....
"Mun tulung jupukno map kuning nang njero mobil yo,.....cepet mun ,...darurat iki..... laporanku ana nang ana kabeh,...nek ora cepet pak Gubernur iso nesu nesu,..."
"langsung terno nang Lantai 30 ruang bh 302 yo,....cepet mun" krek HPne pak lurah mati.
Jegagik Semun langsung mblayu nang basement njupuk map kuning trus mblayu munggah nang lobby maneh.

Sakwetoro pak lurah wis gelisah mlaku ngalor ngidul nang ngarep lift , 10 menit durung ketok, 40 menit durung nongol, malah wis sak jam bayan semun durung kethok irunge.
Pak Lurah ora sabar nelpon Semun maneh,....
"Mun lha kok suwi men tho , mosok nganti sak jam durung mecungul irungmu,....sakiki kowe nangdi.." Pak lurah bengok bengok
karo krenggosan Bayan Semun semaur : "Kuloo.....tasihhh...wonten...lantai....selangkung pak lllurah,..."
"Lantai selawe?.. lif-e macet opo piye,..." pak Lurah bingung.
"mbotennn pak kulo lewat tangga darurat..." jare semun isih karo krenggosan
"Lho lhaopo kowe munggah lewat tangga darurat rak cepet yen ngganggo lift to" Pak Lurah tambah binggung
"Kulo wau bade lewat Lift pak tapi pas teng ngajeng lift wonten tulisan 'DALAM KEADAAN DARURAT HARAP GUNAKAN TANGGA' lha wau pak Lurah rak ngendikan yen niki darurat , dados kulo balik malih trus lewat tangga darurat,...." semaure Semun karo krenggosan napase senin kemis........

Gak Sido Nyoblos

Setu wingi Semun didawuh pak Lurah niliki proyek jalan tembus nang Sarangan , merga kewengen dadi kepeksa nginep nang Hotel Rindu Malam, Jam 8 bengi hawa sarangan uadem athis banget , sarungan plus mancal kemul tetep wae isih kathisen , ora tahan kathisen tur ya sepi Semun nelpon nyang Resepsionis.
Semun : "Hallo mbak tulung kirim cewek sing paling seksi mrene ya, kanggo kanca sewengi"
Yu Darmi pemilik hotel Rindu Malam kebetulan sing nampa telpune Semun nesu-nesu krungu penjaluke tamu siji iki, terus ngongkon bojone supaya ngusir tamu sing kurang ajar iki saka hotel.
Tapi bojone Yu Darmi keberatan, jarene permintaan Semun kuwi wajar , alami lan ora merugikan sapa wae. Opo maneh Semun iki termasuk pelanggan tetap.
Yu Darmi : "Ya wis!!. nek pancen njenengan ora gelem ngusir , aku wae sing nendang tamu kurang ajar iki"
Yu Darmi langsung mlayu munggah nang lantai 2 kamar nomor 208 , kamare Semun.
Sakwetara ana 30 menit, nang lantai 2 ana suara kedobrakan . Karyo bojo-ne Yu Darmi kuwatir yen ana apa apa mlayu munggah nututi Yu Darmi.
Karyo : "Lho ana apa iki kok gedobrakan rame temen....?"
Semun : "Ngene lho kang aku mau njaluk dikirim cewek sing ayu kanggo ngancani aku sewengi iki, sing dikirim pancen uayu banget tapi sayange rada galak dadi ya kepeksa gak sido nyoblos mung nyontreng wae,....."
Karyo : Di@put kud!$ kur@p $@p!......

Gubrakkkkk.. Karyo nggeblak semaput...

KaTePe

Dampak bom JW Mariot II plus Ritz Carlton, kaya biasane pengamanan ibukota diperketat. Pemda DKI nggelar operasi yustisi kependudukan. Nganakne razia KTP neng terminal-terminal, stasiun, malah mal-mal tertentu. Mula nek arep mlaku-mlaku neng Jakarta, aja lali nggawa KTP utawa paspor (nek sampeyan wong asing).

Semun sing lagek neng Jakarta ya lali gak nggawa KTP, pas neng Terminal Pulogadung ketangkep petugas.

Semun sakjane grogi, merga nate krungu ulahe RELA (pam swakarsane Malesa) sing nek razia wong Indonesia ngawur, maen tangkep, main sikat, main embat, maen penjara.

Tapi dudu Semun nek kurang akal.

"Selamat siang Pak... bawa KTP atau surat-surat?"

Ditakoni surat-surat karo petugas, Semun nyelathu: "Hari gini isik surat-suratan... kunoooo... gampangan kirim SMS Pak, gak perlu prangko gak sah bis surat!"

"Maksude saya, KTP atau surat keterangan.. sampeyan punya nggak?"

"Wah... kalo itu ndak ada saya, KTP saya lagi ditarik supaya lebih panjang di kampung.. tapi gimana kalo ini saja", Bayan Semun ngerogoh tas ngetokne buku cilik warna ijo.

"Lho surat apa itu.. sampeyan apa orang asing kok mau menunjukkan paspor?"

"Bukan Passpor Pak, ini layang kawin".

"Saya ndak butuh Surat Nikah sampeyan.. tapi KTP"

"Sampeyan iku jebule kok bodo sih Pak... KTP potonya cuma satu, dan tekennya cuma Pak Lurah sama saya... lha kalo surat nikah ini potonya aja dua serta teken-nya lebih banyak, ada saya, isteri, pak naib, pak lik saya dan pakliknya istri... dan bikinnya aja perlu pake pesta gak kaya KTP cukup dateng di kelurahan... mosok gak laku??"

Kuik Kon

Angger nonton tipi utawa jaduman neng gerdu, tembung “kuwik kon” sering disebut-sebut. Ngertine Bayan Semun kuik kon iku mbedek hasile pemilu, tapi nganti saiki sakjane ya durung ngerti blas artine. Mula nalika ketemu pak Carik Marto diwanek-wanekne olehe takon:

“Pak Carik, kula jenge nyuwun pirsa... kula niki katrok tenan, kuik kon niku napa ta... napa ngetung kalih uwik-uwik nyekeli kon....ci ngoten?”

Pak Carik: “Husy.. saru kowe... iku tapi cara ngetung cepet”

Bayan Semun: “Ponakan kula si Edi niku nggih pinter kuik kon nek ngoten, lha wong saged ngetung kecik klungsu sak bathok niku cepet sanget kok, jirolupatmanemtulungaluhlaslaslaslaskurkurkurluhluhluh... tus”.

Pak Carik: “Ngetung cepet iku gak ngono Mun, tapi ngira-ngira.. lah kaya kang Basuki sing bandar pelem kae.. deweke lagek eruh wit pelem sing wohe gemrandul ae wis bisa ngira-ngira nek diunduh bisa entuk pirang krenjang, malah ngerti sing bakal didol mateng pira sing mung pencit nggo rujakan pira. Mula bisa tawa regane pira nek arep nebas”.

Bayan Semun: “Lha nek peleme dereng woh, saged ngetung mboten nggih?”

Carik: “Ya ora iso nooo.. kaya pilpres iki nek contrengane durung dileksanakne, gak iso kuik kon. Milih presiden mung kuik kon tok tanpa contrengan iku hil sing mustahal”.

Bayan Semun: ”Lha jaman Orde Baru nika kok mboten... Pemilune dereng dileksanakne kok pemenange pun saged dibedek!”.

Carik: “Haiyah... jaman iku PEMILU artine --pemenange itu-itu melulu---”

Bayan Semun:”Pun paham kula sakniki... lha enggih ta... wong ajeng dietung siji-siji mawon.. kok ndadak nganggo kuik kon niku damel napa ta... kok ngguwang-ngguwang duwik?”

Carik: “Lha wong kowe dewe ya pengin cepet ngerti hasile ngono kok... apameneh para capres cawaprese, merga cepet ngerti rak duwe wektu sing cukup nggo siap-siap, sing diperkirakan menang siap-siap milih lan ngatur bala, sing diduga kalah nyiapne koper kanggo pulang kampung, nyiapne tuku pacul arit nek dadi petani, utawa gawe panti utawa mbangun pesantren kangge sarana mengabdi”

Bayan Semun: “Lha tapi wonten sing mboten percaya kalih kuik kon ngoten kok?”

Carik: “Jujur apa ora? Umpama bener gak percaya, berarti isik kalah kalah karo wong Pingkuk, lha wong dibantu pak Mantri Tani, warga kene sering nimbang hasil pari saka ubinan demoplot kangge ngira-ngira hasil gabah sak kabupaten kok.. tanpa kudu nglumpukne gabahe wong sak Magetan kok. Pancen kon iku mung ngira-ngira nganggo ilmu... arepa kaya ngapa hasile gak didadekne keputusan... tapi kena dienggo ngecek, nek hasil etungan resmi engko melenceng adoh saka kuik kon, ya kudu diteliti meneh... dicek endi sing melenceng, kuin kon-e apa etungan resmine”

Bayan Semun: “Eeeenggg... ngertos kula.. lha nek miturut kuik kon kula, saben sedasa tiyang jaler dusun Pingkuk mriki, salah setunggale nate mampir teng warunge mBak Lastri kidul kreteg nika”.

Carik: “Husy.... sst meneng ae nek arep mrana ajak-ajak aku...”

Nyoblos apa nyontreng?

Wis patang minggu iki Bayan Semun turu karo anak-e lanang , merga bungsune sing wedhok lagi aleman njaluk dikeloni Yu Semun..
merga wis patang minggu ora kelonan bengi kuwi bayan semun blingsatan , "Bune aku wis ora tahan iki" jare Semun
"Hus mengko nek anak-mu wedhok nglilir kepriye? wis mengko-mengko wae" jawabe yu semun
"Mengko kepriye tho, iki wis nganti arep mleber lho,..sedelut wae kok" semun rada ngeyel
akhire yu semun ngalah "ya wis sing cepet ya pak-e" jare Yu semun merga wis kemecer mula pertarungan ora seru ora nganti sak menit wis bubar...
"wis bune ,..wis lega"...jare semun
"Wis lega kepriye to pak-e , njenengan mau nyoblos apa nyontreng,.....", Yu semun protes..

Bayan Semun ketangkep polantas

Bayan Semun ngebut, tekan prapatan lampu abang murub isik bablas, akibate ketangkep Briptu Samidi terus arep ditilang.

Polantas: "Selamat malam Pak. Tolong lihat SIM-nya".

Bayan Semun (BS), dengan tenangnya: "Wah nggak nduwe… SIM-ku wis dicabut merga keseringen ngelanggar lalin"

Polantas: ”Nek ngono, endi STNK-ne ".

BS dengan PD njawab: "Nggak gableg Pak. Embuh iki mau mobile sapa. Wong mau ki ana mobil dirparkir nang samping stasiun, tak utak-atik nganggo kunci duplikat.. ee jalan.. ya wis terus tak lakokne ngono ae".

Polantas: "Berarti iki mobil curian?"

BS: "Aku gak ngerti istilahe... nyilih gak nembung apa nyolong... Tapi, tunggu sedela. Nek nggak salah, aku mau weruh ana STNK neng kotak perkakas nalika aku ndelikne pistulku neng kono”

Polantas: "Hah ...? Ana pistol nang kotak perkakas?"

BS: "Iya Pak. Aku ndelikne pistol sing bubar enggo ngrampok lan mateni uwong.. lha mayite korban mau tak lebokne neng begasi mburi kok".

Polantas kaget: "Ana Mayit nang begasi ..?"

BS : (Dengan muka dingin) "Iya Pak....".

Krungu ngono iku, Polantas panik, terus ngontak kantor pulisi terdekat, sing ngerahne tim buser. Gak suwe meneh mobil itu dikepung pulisi pak Kapolsek melu teka nyedhaki nginterograsi Bayan Semun sing gak melawan.

Kapolsek: "Boleh saya lihat SIM Anda, Pak ?"

BS : "Oh, mangga". (SIM isih berlaku lan resmi)

Kapolsek: "Iki mobile sapa?"

BS : "Niki mobile pak Lurah, wong kula wau dikongkon njemput bu lurah. Niki STNK-ne ". (Isik berlaku)

Kapolda: " Boleh Anda buka kotak perkakas dengan perlahan dan tunjukkan kepada saya pistol Anda di sana”.

BS : "Silahkan saja Pak.. cobi sampeyan tingali, niki obeng, tang, kunci Inggris, kuci busi, kunci pas... mboten wonten pistule kan".

Kapolres: "Hmm.. kalau begitu, boleh tolong buka bagasinya? Saya mendapat laporan bahwa ada mayat di sana”.

BS : "Mangga Pak ..." (Bagasi dibukak lan isine mung ban serep karo barang sawetara, mayit sing ana paling bathang cecak utawa kecoak sing kegencet)

Kapolda: "Saya heran. Petugas yang menghentikan mobil anda tadi mengatakan bahwa anda tidak memiliki SIM, dan anda telah mencuri mobil ini, punya pistol di kotak perkakas, habis merampok dan membawa mayat di bagasi".

BS : "Oh, ngoten nggih....? Mesthi... si tukang tipu niku badhe ngapusi sampeyan melih, criyos nek kula wau ngebut lan nglanggar lampu merah..."

Gak bakal gelem nganggo jilbab

Kang Sodikin nembe magang dadi modin sementara merga modin sepuh seda, tapi ana sing ngganjel merga nganti saiki bojone nganggo jilbab mung nek nyang langgar utawa sholat ae. Ing pergaulan sedina-dinane durung gelem nganggo. Isik isin jarene.

Mula Kang Sodikin kepingin milih presiden sing bojone nganggo busana islami.

Bayan Semun takon “Jilbab iku kan mung buntel ta, sing penting rak isine".

Kang Sodikin: "Buntel ya penting lho kang... sampeyan gelem tah mangan sego pecel sing dibuntel kaos kaki bolong"

Bayan Semun: "Wah mesthiiiiii... sing jelas nganggo jilbab kan bu Mufidah karo Bu Uga berarti sampeyan milih JK-WIN"

“Durung mesthi”, kang Sodikin ngeles, “Agomo iku kan proses... saiki durung, sapa ngerti entuk hidayah terus gelem nganggo”..

Bayan Semun: “Puji sukur... kang... tapi ana lho bojo capres sing gak bakal gelem jilbaban”.

Kang Sodikin: “Lho mosok... kabeh capres lan cawapres kan agamane Islam, ya aneh nek bojone nentang jilbab”.

Bayan Semun: “Tak kandhani kang.. sak alim-alime Pak Taufik, gak bakal gelem nganggo jilbab”

????

Sapa sing salah?

Mayite cewek muda korban tabrak lari iku gumletak ing pinggir ndalan, ditutupi kertas koran... getih abang mblambang durung garing, embuh apa sing pating cecer daging apa bagian awak liyane... montor Vario rusak kaya angka wolu... Wong-wong ndeso Pingkuk mulai teka ngrubung,...

Dumadakan ana wong lanang setengah baya, sing ketok pucet gemeter ngacung,

“Nuwun sewu... kulo narto sing paling salah, kula sing njalari matine”. Kabeh mata nuju wong iku, sing nerusne omong “Kula wau mlampah teng pinggir ndalan mriki. Lare wedok wau numpak montor, ujug-ujug mak jegagik meh nyrempet kula... untung jantung teksih sehat, cobi nek empun mbrebet... mila kula pisuhi... ketingale piyambake keweden, grogi montore oleng.. kesamber montor sing ugal-ugalan, mak thes...... Duh Gusti.. inalillahi”.

Cep klakep, wong-wong pada pandeng-pandengan, ujug-ujug saka arah liya ana tangan liyane sing diangkat.

“mBoten leres niku... kula sing langkung salah”, kang Narto tukang parkir anyaran neng warung Darmi melu nrambul, “Lare niku wau parkir teng ngajeng warung, nalika ajeng lunga kula jaluk karcis parkire, ngakune ical. Terus kula njaluk STNKne, tirose mboten mbeta... Untunge onten tiyang sing kenal lare niku maringi konfirmasi. Kula saged yakin nek deke sanes maling, nanging kula sampun ngrampas wekdale gangsal menit.. Saumpami wau langsung kula kon lunga mboten kula tahan ngantos limang menit, mesthi lare niku teksih urip mboten kesamber montor nganti ajur ngoten niku”.

Eee ujug-ujug ana Briptu Slamet saka Polsek mBendo sing ngaku, masiyo omone ditegas-tegasne tapi grogine gak gak bisa ditutupi.

“Bukan.. bapak-bapak, niku salah saya... cewek naik Vario itu tadi melintas di depan saya jaga di prapatan. Ketok gugup. Naluri pulisi nek ana pengendara gugup iku kan panganan empuk, apameneh wektu iku durung sarapan. Eee naluri saya bener, sakwise tak stop lan tak takoni bener dia ndak nggawa surat kendaraan. Terus tak jak nyang pos, nawani transaksi damai. Saya merasa berdosa merga ngerasmpas wektune sepuluh menit lan ngerampok duwike nggo sarapan.. Mesthi merga bar tak cekel lan tak rampas duwike iku pikirane dadi terganggu, numpak montor karo ngelamun, mula gak tegen terus kesrempet montor nganti mati..."

Durung rampung Pak Pulisi omong, ana wong aneh sing gak jelas saka ngendi asale lan kapan tekane wis nang kerumunan kono.

“Maap Bapak2 dan Ibu2... ini kabeh salahku. Wanita iku jenenge Narti, kancaku sak kantor, deweke randa ditinggal bojone rabi meneh. Bayangne wis enem sasi gak dibelai wong lanang.. jelas kepingin tenan... Aku nyedhaki, rayuanku jebul bisa nembus lan nggoyahne imane... dekne gelem tak jak selingkuh, nyanggupi ketemu neng Losmen Cempaka kulon kono, supaya cepet tak kon nyilih montore mbakyune, sekalian mampir warunge Yu Darmi tuku payung merek Sutra... pengaman supaya lehku demenan luwih aman.... Ahh... wis takdire, nembe bae ninggalne warung Darmi... wis disamber montor ugal-ugalan... mula dosa gede banget, ngajari gak bener, ngejak selingkuh lan njalari matine”.

Saiki kabeh mata menthelengi wong aneh iku, kabeh pada menghakimi.

Nalika kahanan wis mulai tenang Pak Bayan nyedhaki wong iku “Ngertos kula lare niku dereng nate rabi, mboten kerja kantoran lan mboten duwe mbakyu. Berarti sampeyan salah?”

Wong asing itu mung manthuk.

Pak Bayan terus takon, “Sampeyan napa sanes warga Pingkuk, kok kula dereng nate sumerep nggih?. Sampeyan sinten nggih??”

Wong aneh iku mung mesem, “Aku Pak?.. aku iki rak sing ngarang cerita fiksi iki”

“Waduh... nuwun sewu mawon, nami kula kangucup melok dosa, merga njupuk ide cerita tanpa ijin".

Ngertio Ngono

Sakdurunge dadi perangkat desa , bayan semun biyen nate dadi tukang lan melu kang Gudel kontraktor bangunan sing paling terkenal sak Magetan.
Embuh wis pirang perumnas sing dibangun tangane bayan semun , ora mung perumnas, gedung pemerintahan malah omah mewah duwek-e pejabat lan pengusaha terkenal nang mediun semun sing nggawe.
Isuk pas bareng-e musin pelem semun ngadep nang juragan-e kang Gudel, "Boss kulo bade medal , mboten saget tumut njenengan maleh" jare semun
"Loh ana apa tho mun" Kang Gudel kaget
"Awakmu wis tak angep keluarga dewe, lan tandang gawemu ya ora nate salah , Juragan Karyo sing pesen omah gedong kae ya puas, awakmu termasuk tukang sing paling rapi gaweane lho mun" Kang Gudel nerusne omongane ....
"eee,...kulo angsal pedamelan enggal boss , dados Bayan teng Kelurahan Pingkuk, niki pancen cita-cita kulo saget makaryo teng kelurahan" wangsulane Semun
"Gajimu pira tho nang kelurahan, apa perlu tak tambahi " Kang Gudel nawani..
"Mboten saget boss, kulo pun janji kalih pak Lurah lan Pak Carik yen kulo purung nyambutdamel teng kelurahan" Semun ngeyel
"nek pancen awakmu wis manteb, ya piye meneh ....tapi mun kepriye nek kowe ngawe omah siji maneh ukurane kira kira 150m2 nek wis dadi ya wis sumonggo nek arep pangsiun dadi tukang" Kang Gudel nawani ....
"gawekno sing apik ya mun, materiale miliho dewe sing paling apik, jogan-e marmer kayu jati kabeh,....material njaluk-o nang kang Tarjo ya..." pesen-e kang Gudel
"Nggih pun boss kulo damelke" jare Semun ngalah lan aras-arasen
Akhire semun ngawek-ne omah siji maneh kanggo kang gudel....merga wis aras-arasen semun ngawe sak kepenak-e dewe , ngaci tembok ora mateng ngosok mung sak madyo wae...
"Kang tarjo , aku butuh kayu jati lan marmer , arep tak pasang atep-e ,...." jare semun
"Lho kok cuepet men tho mun,...lagi rong sasi kok wis pasang getheng , malah wis arep masang tegel.." semaure kang Tarjo
"Iyo kang tak kebut wae ben gek ndang bar...aku wis ora srantan iki....."jawabe semun..
"Tapi Mun kayu jati lan marmer-e nang gudang lagi kosong,...anane mung kayu kamper karo keramik putih kw2 , aku isih order kira kira sewulan maneh tekane,.."
"Walah kesuwen kang Tarjo , wis lah sak anane wae tak pasange ,.."
Ora suwe ,..mung seminggu wae, genteng wis munggah keramik wis temata...omah wis siap huni...
"Kang Gudel niki kulo serah-ke kuncinipun , matur suwun sampun saget nyambut damel teng ngriki,.." semun nyerahke kunci omah.
"Ya ,...tak tampa kuncine Mun,...iki honormu rong sasi pitung ndino, lan iki bonuse..." kang Gudel nyerahne amplop karo nyerahno kunci sing mau diwenehne semun.....
"Dirawat sing apik ya mun,...." pesene Kang Gudel...
klemun klemun ndas-e semun ngelu mubeng-mubeng ,...mara mara bleg nggeblak....

..ora merga oleh kunci omah tapi merga getun...
ngertio ngono tak enteni nganti kayu jati lan marmer-e ana,...
ngertio ngono olehku nggawe omah tak gawe sing tenanan ora asal-asalan........

Bayan Semun Main Golep

Desa Pingkuk dibangun lapangan golep anyar. Investor menehi keanggotaan gratis kanggo para pamong (hebat banget). Lurah, Carik karo Kamituwo njajal lapangan anyar mau, ngajak Bayan Semun melok main.

“Kang Semun, sesuk jam pitu aku, carik, kamituwo karo kowe nuthuki bal neng lapangan suket anyar kuwi ya?”.Pak Lurah ngajak Semun.

“Nggih Pak, nanging nuwun sewu lho... mbokmenawi dipun keparengaken nyusul wingking mawon” jawabe Bayan Semun.

“Ora apa-apa lah... agger kowe nyusul tenan”, Pak Lurah ngijini.

Sesuke, nalika Lurah, Carik, Kamituwo tekan lapangan, eee... Bayan Semun wis nunggu neng kono.

Akhire perabot ndeso papat iku main, Bayan Semun maine lumayan masiyo nganggo tangan kiwo.

Merga puas wong papat mau janjian nek minggu ngarep main meneh.

“Pak Lurah... nyuwun sewu nek minggu ngajeng kula telat” ature Bayan Semun.

“Wis lah... pokok angger kowe gak mbolos ae”.

Kaya wingi... Minggu ngarepe nalika wong telu teko nang lapangan, Bayan Semun wis njagrog neng club.

Wong papat main meneh, Bayan Semun tetep main kiwa. Merga puas janjian arep main meneh minggu ngarepe.

?Pak.. ngapunten mbokmenawi minggu ngajeng badhe telat” Bayan Semun matur karo lurahe.

“Lha ora to Mun... kowe kuwi kok angger dijak main kok terus omong nek arep telat. Padahal kowe paling dhisik neng kene, lha terus mainmu ki nganggo tangan kiwa ki gek nyapo ngono lho?”

“Oooo.. niku. Ngaten lho Pak niku syarate dukun”, jawabe Bayan Semun..

“We lha main golep ae kok nganggo dukun”, carike melu urun rembug.

“Inggih Pak, miturut pituture mBah Dukun nek ajeng budahal teng lapangan niku ken ndelok Yu Darmi bojo kula.

Menawi pas mangkat Yu Darmi miring kiwa kula kudu main kede, nek miring nengen kula nggih kedah main tengen”.

“Lha nek yu Darmi mlumah, kowe kon piye?” aloke pak Lurah.

“Menawi Yu Darmi mlumah...kula mesthi telat Pak, mergi kedah triple boogey teng hole satu rumiyin”.

Naas ing lapangan Golep

Krungu ceritane sementara Bapak-Bapak genit karo caddy ing lapangan golep, Yu Darmi gak tega ngeculne Bayan Semun sing ndampingi Pak Camat main golep neng lapangan kulon ndeso. Nanging nembe setengah jam main Bayan Semun dadi gotongan digawa ambulan nyang Puskesmas.
Raine rusak, babak bundhas, awake ketekuk-tekuk, Pak Mantri ae gedeg-gedeg ndelok kahanane, mula banjur takon kena apa awake Bayan Semun kok nganti ancur-ancuran kaya ngono.
Bayan Semun crita nek Yu Darmi merga arang main, pukulane mlenceng terus. Nalika nuthuk rada seru, bal gak nuju lubang tapi menggok nyang rombongan kebo sing diangon ning sawah pinggir lapangan. Abot-abote mbelani Yu Darmi, gak kalah karo Jaka Tingkir, Bayan Semun dengan gagah perkasa nekat nyerbu ing antarane kebu, milang-miling lan mbiyaki kiwa-tengen nggoleki bale Yu Darmi. Ujug-ujug weruh ana barang putih bunder nyang silite kebo wedok sing paling gede.
Bayan Semun nyedhaki kebo iku, buntute ditarik, disilakne nganti bal golep sing nyelip ketok
“Bune Darmi... deloken silit kebo iki.... iki kaya wekmu!”
Yu Darmi mbengok, “Apa?, dasar kurangajar!”
Bayan Semun gak eling apa-apa ngerti-ngerti wis nang Puskesmas.

Gak keduman bolo

Yu Darmi didawuh pak Lurah dadi panitia jamuan makan mêrga Pak lurah kepingin luwih akrab karo wargane. Sakjane Yu Darmi kuwi justru inisiator-e supaya tahun ngarêp isa kepilih dadi lurah maneh mula perlu PDKT karo wargane. Tapi mêrga umyêk dadi panitia” sing bertanggung jawab karo suplai makanan, Yu Darmi malah ora kepikiran yen dewek-e ora kêduman panganan.
“Wis êntèk, Yu,” jare Pak Lurah pas Yu Darmi nyandak piring.
“aku gak kêduman….?” Yu Darmi rada kêcewa.
Pak Kamituwa lan Bayan Sêmun ngguyu kêpingkêl pingkêl. Pak Carik , pak Jagabaya , pak Jaga Tirta lan Pak Modin ora kalah bantêr-e olehe ngguyu.
Yu Darmi mung mesêm kêcut wae.
“Bayan Sêmun mangané akèh déwé, Yu,” jare Pak Carik.
“Sing nggawé acara aku, sing ngêntèkne awakmu ngono lho pak ,” Bayan Sêmun ngêles karo nunjuk Pak Carik sing asik nyewêli iwak pithik.
“Pak Jagabaya…. sak balung-balungé dipangan,” balas-e Pak Carik.
“Dodo karo brutuné Pak Lurah, kèmpolé Pak Carik, aku mèk cèkèré,” jare pak Modin sing kawit mau mung mênêng wae.
“Mangan karèn-karèn gak opo-opo, Yu Darmi,” jare pak Modin.
Nang meja makan mung kari sêga thok iku wae sing nempel nang pinggiran cêthing.
“Mangkané masiho dadi panitia, nèk wayahé mangan sampèyan ojok têlat,” Bayan Sêmun mangsuli.
Pak Lurah prihatin karo Yu Darmi sing ora bagian babar blas kethoke kêcewa banget, “Gak opo-opo, Yu Darmi. Sampèyan isok dadi bahan pêlajarané wong gêde gêde sing lagi rêbutan bolo kae , Kuning wis kêduman, Biru ya wis nyêkêl bagiane mung abang thok sing isih umyêk alot golek bolo, masio abang sing dadi panitia koalisi ojok sampèk malah gak kêduman bolo.” Pak Lurah ngadêm-adêm Yu Darmi sing tambah mbêsêngut.

Yu Darmi wis menang ping limo

Bayan semun mampir neng stasiun pengisian BBM sing isih anyar. Neng spanduk promosi ditulis guede-guede: "Berhadiah Langsung 'Freesex' Jika Anda Bisa Menjawab Teka-teki Kami".

"Spanduk iku tenanan lan ora ngapusi kan ?" takone Bayan Semun.

"Mboten kok, Pak. Panjenengan pirsani perawan ayu sing nembe melayani tiyang tumbas bensin menika ?. Perawan menika ingkang bade ngeladeni panjenengan menawi menang," jawab piyantun kakung, salesman stasiun BBM.

"Lha nek sing menang wong wedok ?", takone Bayan Semun.
"Nggih tamtu kemawon kula ingkang bade ngelayani", jawab si salesman enteng.
Salesman ngetokne teka-tekine, "Aku lagi mikirne angka saka siji nganti sepuluh, angka pira iku ?"
"Pitu !" jawabe Bayan Semun.

"Salah, sing bener Sanga," Si salesman mesem ketok menang.

Wis nganti ping pitu ning semun ora nate pener oleh-e mbedek.
Seminggu sawise iku Semun bali maneh neng pom bensin iku karo ngajak Kang Parno Kamituwo. Tapi jawabane tetep salah.

"Aku curiga, aja-aja sampeyan diblithuki sales Pom bensin iku, " jare Kamituwo Parno.

"Ah enggak mungkin" jawab Bayan Semun.

"Kok enggak mungkin ?". balese Kamituwo Parno.

"Lha Yu Darmi wis menang ping lima kok ...........!" bales Bayan Semun maneh ..........

Kamituwo Parno, " ....??*%^&$#@#?????"

Babi pilêk

Hajing……
“Babi pilêk….”
Wahing-wahing iku beruntun. Sing siji wahing durung bar liyane melugêbres. Ngono sakteruse nganti rame wong wahing nang warung ngarêp kelurahan Pingkuk isuk iki.
“Wahing kok koyok candu,” komentar Sêmun.
“Iki duduk nyandu kang Semun, ananging virus sing nular,” jare kang badrun karo nganggo maskêr.
“Biasa nèk ganti mongso, mêsti akèh wong sing pilêk,” Jare Yu Darmi melu nimbrung.
“Masalahé saiki onok flu babi barang, Yu,” jare Badrun sing suarane rada ora jêlas mêrga kêtutup maskêr.
“Babi pilêk yo séjé karo wong pilêk,” jare Sêmun. “Irunge gak podo.”
“Kêcuali irungmu, Mun,” Yu Darmi nyambêr sing marahi Sêmun nyêkêl irunge.
“Babi gak isok wahing koyok uwong masiho irungé mèlèr, Yu.”
”Iki akèh wong mangan ngomongno irung mèlèr,” Kang Kêmpling mbêngok karo nêpuk pundake Sêmun. “Ditadahi kéné,” Jarene Nyodorke lèpèk.
“Awakmu gak ngêrti urusané, kang. Iki dialog tingkat tinggi soal babi pilêk.”
Kang Kêmpling sêmpat mesêm kisinan, tapi mêrga dewek-e sering maca koran bekas, yo ngerti soal flu babi sing diwêdeni wong saiki.
“Durung êntèk soal flu manuk, flu Singapur saiki flu Mèksiko,” jare kang Kepling.
“Yo ngéné iki pênyakit jaman modèrên, mibêr barêng montor mulok, digowo nang êndi-êndi, sak ndonya.” jare Sêmun karo masang maskêr nutupi irunge sing jare yu darmi ora beda kaya irunge babi kuwi......

Mboten sah Dijujuli,....

Semun entuk proyek kongkon ngoleke rekanan kanggo ngawe jembatan nang desa pingkuk,..regane lumayan gede meh satus juta kurang simit,..
sakwise jembatan dadi lan diresmek-ne pak Lurah, pas semun lewat boncengan pit karo Yu darmi mara-mara dicegat wong sing macak perlente,...

"Pak semun nggih" jarene
"Nggih pak , wonten menopo" jare semun
Karo salaman "Pak Semun matur suwun nggih wis menehi gawean kulo lan sakniki gaweane wis rampung kanti apik"
Semun "lho gawean apa tho pak" rupane semun kethok blo'on-e
"Niku lho pak Semun proyek jembatan kali sadikem , lha niki sebagai ucapan Matur Suwun" jare wong mau karo nunjuk sapi sing lemu ginuk-ginuk nang nduwur colt pickup.
"Waduh mboten sah pak niku namine korupsi, kulo mboten wantun nampi sakmangke dipun cepeng kalih KPK lak blaen" jare semun nolak sapi sing diwenehke wong mau.
"Tulung lah pak Semun ditampa , nek njenengan ora gelem mengko malah aku sing didukani karo pak bos kulo" Jare wong mau rada memelas.
"Pokoke mboten wantun kulo pak, masio namung Bayan gaji kulo alit , tapi nek korupsi mboten lah matur suwun" Jawabe Semun
"Ngeten wae pripun nek sapi niki njenengan tumbas mawon"
durung mingkem olehe ngomong Semun wis nyrocos "Halah sampeyan iki ngece , arto saking pundi kulo,...sapi sakmono gedene paling ora rak sepuluh jut,.."
"Ngeten pak njenengan tumbas ning murah seket ewu mawon pripun,..? mangke kulo wenehi kwitansi jual beli , dados niki sah jual beli sanes korupsi" wong mau menehi solusi,..
Semun mikir terus : "Dadi iki aku tuku sapi nggih , sanes korupsi,..."
"Leres pak Semun sanes korupsi wong ngangge kwitansi kok"
Semun ndudut dompete sing wis nganti kelet merga ora nate kisenan duwit gepokan : "Niki satus ewu,....sah jual beli nggih"
"nggih" : jare wong mau karo ndudut dompet menehke duwit jujul seket ewu,...
"Mboten usah dijujuli pak , njenengan kirim mawon sapi setunggal malih" Jare Semun yakin,...